بتحبي الحبيب المصطفى؟؟؟... طيب تعالى نشوف!

بتحبى رسول الله صلى الله عليه وسلم ؟
اه طبعا
طيب بتعملى أيه يثبت حبك دا ؟
مقصرة فى واجبك ليه ؟
بتحييى سنته ؟
بتصلى الصلاوات كلها فى مواعيدها ؟
بتحافظى على صلاة البردين وصلاه الضحى ؟
بتحافظى على النوافل ؟
بتقومى الليل كل يوم ولا لأ ؟
بتقولى أذكار الصباح والمساء كل يوم ؟
بتحفظى كتاب الله ؟ ولو مش قادرة تحفظيه
بتقرأيه طيب كل يوم ؟
قاطعتى الاغانى و لا لسه ؟
ولو قاطعتيها مؤقت ولا للابد ؟
بتحفظى الاحاديث الشريفة ولا بتحفظى الاغانى ؟
ماهو لو بتحبى مطرب معين بتحفظيله كل شرايطته صح ؟
طيب ولو بتحبى النبى فعلا حافظة كلامه وماشية على منهجه صح ؟
بتصلى على الحبيب كام مرة ؟
بتصلى عليه عشر صباحا وعشرة مساء ؟
بتسبحى لله فى اليوم كام مرة ؟
بتستغفرى ربك كام مرة فى اليوم ؟
وبتذكريه كام مرة ؟
بتصومى اثنين وخميس والثلاثة ايام القمرية دايما زى ما كان بيعمل حبيبنا ولا لأ ؟
بتغضى بصرك زى ما وصانا ولا لأ ؟
بتعرفى الجاهلين بيه وباخلاقه وبدينا العزيز زى ما وصانا ولا لأ ؟
لسة بتعملى معاصى ولا توبتى توبة نصوحة عنها كلها ؟
بتستعدى للقاءه كل يوم وتنتظرى الشربة الهنيئة التى لا نظمأ بعدها أبدا ولا لأ ؟

ها بتعملى أيه من كل دا ؟

رسولنا بيحبنا أوى وهيشفعلنا يوم القيامة ويترجى الله سبحانه وتعالى أن يغفر لنا ويقول له ياربى "أُمتي أُمتي" وأنتِ ؟؟؟ هتعملي ايه يستاهل أن حبيبك النبي يترجى ربه عشانك وعشان يشفعلك ؟!!
تخيلى إنه جايلك البيت زيارة
هتعملى ايه ؟
هتجرى تمسحى كل الاغانى اللى عندك على الجهاز ؟
ولا اللى على الموبيل ؟
ولا هتجرى تحوشى صور الفنانين اللى على جدار حجرتك ؟
ولا هتشفرى كل قنوات الاغانى والفضائيات من على التليفزيون ؟
هترمى لبسك الضيق وتستبدليه بالزى الاسلامى
هترمى مكياجك ولا هتخبيه ؟
هترتبوا بيتكم استعدادا له ازاى ؟

فكري فى كل دا وشوفي بتعملي أيه منه وأيه مش بتعمليه وأعمليه عشان تنولي حبه وحب من يحبه ،الشربه الهنيئة التى لا نظمأ بعدها أبدا ؛وشفاعة حبيبك المصطفى

صلى الله وسلم وبارك عليك ياحبيبي يارسول الله

اكيد بنحبه بس مش ده اللى يستاهله اشرف الخلق مننا ... كتير بنقصر ف حبنا ليه ... ف سنته والاقتداء بيها ..
شكرا غاليتى على طرح موضوع مهم عله يلمس القلوب بتفيق من غفلتها
بالتوفيق والسداد

» يا رب صلي على الحبيب محمد
» فوائد ذكر الله تعالى
» أبنتى تعالى ندعوا الله
» نزول القرأن على الحبيب صلى الله عليه و سلم
» رضاع الحبيب ومراضعه صلى الله عليه وسلم